დიზაინები

აბაზანა სახლის ერთ-ერთი უმნიშვნელოვანესი სივრცეა, მისი დიზაინი კი უდიდეს გავლენას ახდენს მაცხოვრებლის განწყობასა და კომფორტზე. 

2024 წელი, სპეციალისტების პროგნოზით, ნამდვილად საინტერესო და მრავალფეროვანი იქნება აბაზანის ინტერიერის დიზაინისთვის. 

აბაზანის დიზაინი - როგორია თანამედროვე ტენდენციები?

• ბუნებრივი ელემენტები - ინტერიერში ისეთი მასალების გამოყენება, როგორებიცაა ხე, ქვა და ბამბუკი მშვიდ და ორგანულ ატმოსფეროს ქმნის. ეს ტენდენცია კი ბიოფილური დიზაინის ფართო გავრცელებასთანაა დაკავშირებული. აბაზანის დიზაინი მსგავსი მასალების გამოყენებით მეტად კომფორტული და ფუნქციური ხდება. 
• მინიმალისტური დიზაინი - სწორი ხაზები, მარტივი ფერთა პალიტრა და ღია სივრცეები აბაზანის ინტერიერში კვლავ არ კარგავს აქტუალობას. მინიმალისტური სველი წერტილები ხშირად ჩასაშენებელი საშხაპე სისტემებითა და უნიტაზითაა აღჭურვილი. მსგავსი ტიპის ინტერიერის მოყვარულებს, აბაზანის დიზაინის შექმნა სწორედ “ვიტრას” კატალოგში შემავალი პროდუქტებით შეგიძლიათ.
• ჭკვიანი ტექნოლოგიები - ჭკვიანი სახლის ტექნოლოგიის განვითარებასთან ერთად, მისი ინტეგრირება აბაზანის დიზაინში უფრო და უფრო ხშირი პრაქტიკა ხდება. “ვიტრას” შოურუმებში უნიტაზის მოდელები დისტანციური მართვის ფუნქციონალით, წრიული ჩარეცხვის მეთოდითა და სხვა ულტრათანამედროვე მახასიათებლით შეგიძლიათ შეიძინოთ. ისინი თქვენს ყოველდღიურობას მნიშვნელოვნად გაამარტივებს და მაქსიმალურ კომფორტს შეგიქმნით.
• აკრედიტებული ლაბორატორიული ტესტების მიხედვით, Vitra QuantumFlush-ს 8,45 dbA ნაკლები ხმის სიმძლავრე აქვს, ვიდრე ჩვეულებრივ უნიტაზს. ეს ნიშნავს იმას, რომ ის დაახლოებით 7-ჯერ ნაკლებ ხმაურს იწვევს, ვიდრე სტანდარტული მოწყობილობა. 
• სპა-ტიპის აბაზანები - ყოველდღიურად უფრო და უფრო მეტი ადამიანი ცდილობს თავისი სააბაზანო მაქსიმალურად დაამსგავსოს სპა სივრცეს. ამის მიზანი კი მეტი კომფორტის შექმნაა. ისინი, ძირითადად, თერმოსტატულ საშხაპე სისტემას იყენებენ, რომელიც წყლის ტემპერატურას თავად არეგულირებს და ამით მომხმარებლის ენერგიასა და დროს ზოგავს. ამასთან ერთად, ისინი აქტიურად იყენებენ ატმოსფერულ განათებასაც. 
• ფერადი კერამიკული ფილები - მსგავსი ტიპის კერამიკული ფილები როგორც მაქსიმალისტური დიზაინის, ისე მინიმალისტური ინტერიერის შესაქმნელადაც აქტიურად გამოიყენება. მკვეთრი Ral ფერთა სისტემის ფერის ფილებთან ერთად, საკმაოდ პოპულარულია გეომეტრიული ფიგურებით გაფორმებული სივრცეებიც. 
• ბრაშირებული სანტექნიკის მოწყობილობები - მსგავსი ტიპის შემრევი ონკანები, შხაპები და ხელსაბანები საუკეთესოა ინდუსტრიული ინტერიერისთვის. ასეთი დიზაინის “დაუმუშავებელი” იერი კარგად ერწყმის შავი ფერის სანტექნიკის მოწყობილობებს. 
• ცალკე მდგომი აბაზანები - ცხოვრების ტემპის მატებასთან ერთად, ყოველდღე უფრო და უფრო პოპულარული ხდება სველ წერტილებში აბაზანის ინტეგრირების პრაქტიკა. ცალკე მდგომი აბაზანა სივრცეს ელეგანტურსა და დახვეწილს ხდის. ამასთან ერთად, მომხმარებლის კომფორტსა და სიმშვიდეს უზრუნველყოფს. 

რომელი ფერებია აბაზანის დიზაინში პოპულარული? 

აბაზანის თანამედროვე დიზაინში რამდენიმე ფერია განსაკუთრებით პოპულარული: 

თეთრი- თეთრი ფერი აბაზანის დიზაინში კლასიკური არჩევანია. ის სისუფთავისა და სიმშვიდის განცდას ქმნის. 

ამასთან ერთად, ის მარტივად ეხამება სხვა ფერებსა და მასალებს. 

ნაცრისფერი- ნაცრისფერი ტონები განსაკუთრებით ხშირად ინტერიერის მინიმალისტურ დიზაინში გამოიყენება. თეთრის მსგავსად, სხვადასხვა მასალებისათვის ისიც კარგ ფონს ქმნის.

სხვადასხვა ტონის რუხი- ღია რუხი ფერები სიმშვიდისა და თანამედროვეობის შეგრძნებას აჩენს. ის სტაბილურობისა და კომფორტის სიმბოლოც შეიძლება იყოს.

შავი - შავი ფერის აქცენტები მრავალ თანამედროვე აბაზანაში გვხვდება, რადგან იგი ელეგანტურობისა და სოლიდურობის განცდას ქმნის. მისი დახმარებით ხშირად იქმნება როგორც კერამიკული ფილები, ისე აბაზანის სხვა აქსესუარები. 

ზემოთ ჩამოთვლილი ფერების გარდა, ვერცხლისფერი, სპილენძისფერი და ოქროსფერი კვლავ რჩება აბაზანის აქსესუარებისა და სანტექნიკის მოწყობილობებისთვის მთავარი შეფერილობად. 

პატარა აბაზანის დიზაინი - როგორ ავითვისოთ სივრცე ვიწრო სველ წერტილებში? 

პატარა ზომის სველ წერტილებში სივრცის ეფექტურად ათვისება საკმაოდ დიდი გამოწვევაა, თუმცა არსებობს რამდენიმე ხერხი, რომელიც ამ პროცესს მნიშვნელოვნად გაგიმარტივებთ და აბაზანის დიზაინის სწორად დაგეგმარებაში დაგეხმარებათ: 

პირველ რიგში, გამოიყენეთ ღია ფერის, მბზინვარე ან პატარა ზომის კერამიკული ფილები, რათა აბაზანა ვიზუალურად გააფართოოთ. კედლებზე განთავსებული ვერტიკალური კვადრატული ფილები კიდევ უფრო გააღრმავებს სივრცის ვიზუალს. 

ამასთან ერთად, შეგიძლიათ ისეთი მრავალფუნქციური ავეჯი გამოიყენოთ, როგორიცაა კედელში ჩაშენებული და ხელსაბანის ფუნქციის მქონე კარადები. სივრცის დასაზოგად ბიდე-უნიტაზების შეძენაც კარგი გადაწყვეტილებაა. 

ერთ-ერთი პოპულარული მეთოდია სარკეების მრავლად დამონტაჟებაც, რაც დიდი სივრცის ილუზიას ქმნის. ასეთ დროს ეფექტურია განათების ვიწრო სივრცეებსა და კუთხეებში დაყენებაც. 

აბაზანის დიზაინის სწორად დაგეგმარება ხელს შეგიწყობთ პატარა სველი წერტილის ოპტიმალურად ათვისებასა და კომფორტული გარემოს შექმნაში.

სანტექნიკის მოწყობილობები და კერამიკული ფილები “ვიტრაში” 

“ვიტრა” ქართულ ბაზარზე 20 წელზე მეტია ოპერირებს, ულტრათანამედროვე, მაღალტექნოლოგიური პროდუქტებისა და საუკეთესო ხარისხის სერვისის დახმარებით კი, მან მალევე მოახერხა მომხმარებლის ნდობის მოპოვება. 

კომპანიის კატალოგში შემავალი პროდუქტები საშუალებას მოგცემთ საკუთარი აბაზანის დიზაინი მაქსიმალურად ფუნქციური გახადოთ. 

სასურველი პროდუქტის შეძენის შემდგომ “ვიტრაში” შეძლებთ მიწოდების სერვისით სარგებლობასაც. 

გამომდინარე იქიდან, რომ ჩვენი პროდუქტების უმრავლესობა ძალიან სპეციფიკურია, მისი მონტაჟიც პროფესიონალურ მიდგომას მოითხოვს. სწორედ ამიტომ, “ვიტრა” გთავაზობთ მონტაჟის სერვისსაც.